هالأكلة شرقية بحتة تشتهر فيها بلاد الشام... طبعا تختلف من بلد لآخر من حيث الشكل والطعم وطريقة الاعداد والتقديم.
*منشأها*
تقول الدراسات أنو أصل الكبة آشوري وبعدا انتشرت في مدينة حلب وسوريا ككل... من ثم أنتشرت في الموصل في العراق وبلاد الشام كلها.
** سميت بهالأسم لأنها أتت من مفهوم الكبكبة أي تكوير الشيء ليصير شكلو اسطواني وفارغ من الداخل.
(الكبة)
تشتهر مدينة حلب بمطبخها العريق والتفنن بصنع الأطعمة اللذيذة ويلي بمقدمتها الكبة والكباب والمحاشي.. لهيك صار يردد السوريين المثل الشعبي المعروف **حلب أم المحاشي والكبب**
*تتألف الكبة الحلبية بشكل أساسي من مادة البرغل الناعم بأحد أنواعه الأبيض والأحمر ولحم الضأن البلدي ويتم عركها جيداً... وقديما كانت النساء تضربها بالجرن الحجري أو النحاسي التراثي بينما بيومنا هذا تم إستبدال الجرن بالآلة الكهربائية حتى تساعد المرأة أكثر.
تضاف لحشوة الكبة مع اللحم المكسرات وخاصة الفستق الحلبي والجوز البلدي والصنوبر واللوز.
طبعاً الحلبيون تفننو في تصنيع الكبة وتنويعها حتى أنو بعض المهتمين بالمطبخ الحلبي أحصوا عدد أنواع الكبة الحلبية بحوالي (90) نوع كل نوع مختلف عن الآخر.
سنذكر أنواع بعض منها وأشهرها :
١_الكبة النيئة.
٢_الكبة المشوية.
٣_الكبة السفرجلية.
٤_الكبة اللبنية.
٥_الكبة بصينية الفرن.
٦_الكبة الصاجية.
٧_الكبة المقلية أو النابلسية أو كبة الدراويش.
٨_الكبة المبرومة.
٩_كبة إسوارة الست.
١٠_الكبة مع بطاطا.
١١_الكبة الكرزية.
١٢_الكبة السماقية.
١٣_الكبة المشوية عالسيخ.
______________________________
طبعا الحديث مابينتهي عن الكبة وأنواعها وطريقة تحضيرها وتقديمها... رح أعرض صور عن انواع الكبب يلي ذكرتها وتحت كل صورة رح أحكي عن طريقتها وتقديمها.
بتمنى إنو ماكون طولت عليكم وتنال إعجاب الجميع
(صيام مقبول وإفطار شي إن شاء الله)
0 Comments: